തൃശൂർ സ്വദേശിയായ അലൻ വർഗീസിന്റെ നേതൃത്വത്തിലുള്ള സംഘമാണ് കണ്ണൂരിൽ ജോലി സംബന്ധമായ ആവശ്യത്തിന് എത്തിയതും തുടർന്ന് കൂട്ടത്തിൽ ഒരാൾക്ക് അസ്വസ്ഥത അനുഭവപ്പെട്ടതോടെ പരിയാരം ഗവ. മെഡിക്കൽ കോളജ് ആശുപത്രിയിലേക്ക് പോകാൻ ഗൂഗിള് മാപ്പ് ഉപയോഗിച്ചത്.
എന്നാൽ ഗൂഗിള് മാപ്പ് കാട്ടുമധ്യേയിലൂടെ കടന്നുപോകുന്ന, വാഹനങ്ങൾക്ക് യോജിക്കാത്ത കുഞ്ഞൻചാൽ പ്രദേശത്തെ ഇടുങ്ങിയ വഴിയാണ് കാണിച്ചത്. ഇതുവഴി പോയ ജീപ്പ് താഴ്ചയിലേക്ക് ചരിഞ്ഞ് കുടുങ്ങുകയായിരുന്നു.
സംഭവം ശ്രദ്ധയിൽപ്പെട്ട നാട്ടുകാർ അഗ്നിരക്ഷാ സേനയെ വിവരം അറിയിക്കുകയും തളിപ്പറമ്പില് നിന്ന് സേന എത്തുകയും ചെയ്തു. നാട്ടുകാരുടെ സഹായത്തോടെ വാഹനം സുരക്ഷിതമായി റോഡിലേക്ക് വലിച്ചുകയറ്റുകയായിരുന്നു.
0 Comments