ബംഗളൂരു–മൈസൂരു ഹൈവേയിൽ ബൈക്ക് അപകടം; കണ്ണൂർ സ്വദേശിയായ വിദ്യാർത്ഥി മരിച്ചു

മൈസൂരു: ബംഗളൂരു–മൈസൂരു ഹൈവേയിൽ മാണ്ഡ്യയ്ക്ക് സമീപമുണ്ടായ ബൈക്ക് അപകടത്തിൽ കണ്ണൂർ തളാപ്പ് സ്വദേശി ഫസീൽ എന്ന വിദ്യാർത്ഥി മരിച്ചു. കൂടെയുണ്ടായിരുന്ന ഇംറാൻ എന്ന വിദ്യാർത്ഥിക്ക് പരിക്കേറ്റതിനെ തുടർന്ന് മൈസൂരിലെ മണിപ്പാൽ ആശുപത്രിയിൽ ചികിത്സയിൽ കഴിയുകയാണ്.

ബംഗളൂരുവിൽ ഇന്റീരിയർ ഡിസൈനിംഗ് പഠിക്കുന്ന ഇരുവരും ബംഗളൂരുവിൽ നിന്ന് നാട്ടിലേക്ക് പോകുന്നതിനിടെയാണ് അപകടമുണ്ടായത്. 

മറ്റൊരു വാഹനത്തെ മറികടക്കുന്നതിനിടെ സമീപത്ത് നിർത്തിയിട്ടിരുന്ന ക്രെയിൻ റിക്കവറി വാനിൽ ബൈക്ക് ഇടിച്ച് നിയന്ത്രണം വിട്ടാണ് അപകടമുണ്ടായതെന്നാണ് പ്രാഥമിക വിവരം.

 ഇരുവരെയും അപകടസ്ഥലത്ത് നിന്ന് മൈസൂരിലെ മണിപ്പാൽ ആശുപത്രിയിൽ എത്തിക്കുകയായിരുന്നു. വിവരമറിഞ്ഞ് ഫസീലിന്റെ ബന്ധുക്കൾ മൈസൂരിലേക്ക് പോയിട്ടുണ്ട്